Shkollat në të gjithë Serbinë do të mbyllen për pushimet dimërore një javë më herët se sa ishte planifikuar këtë vit, pasi qeveria e presidentit nacionalist, Aleksandar Vuçiq, kërkon t’i ndalë protestat kundër korrupsionit që kanë kapluar universitetet nga përhapja në sektorin e arsimit të mesëm, shkruan The Guardian.
Ministrja e Arsimit, Slavica Gjukiq Dejanoviq njoftoi të premten se shkollat fillore dhe të mesme në të gjithë vendin do të mbyllen nga e marta, në vend të së hënës 30 dhjetor, duke përmendur shqetësimet për sigurinë dhe cilësinë e arsimit të fëmijëve në mes të protestave.
Shumica e popullsisë së Serbisë janë anëtarë të kishës ortodokse, e cila ndjek kalendarin julian dhe Krishtlindja festohet zyrtarisht më 7 janar dhe jo më 24 ose 25 dhjetor.
Më herët të premten, mësuesit nga katër sindikatat e arsimit njoftuan se do të hynin në grevë në shenjë solidariteti me studentët që kishin dalë në rrugë.
