Al Nassr siguroi vendin në çerekfinalet e Ligës së Kampionëve të Azisë me një fitore prej 3-0 ndaj Esteghlalit të Iranit në ndeshjen e dytë të fazës së 16-të.
Kjo fitore i sjell skuadrës saudite një avantazh të qartë dhe i afron ata një hap më shumë drejt titullit të kampionit aziatik.
Al Nassr filloi ndeshjen mirë dhe shënoi golin e parë në minutën e 9-të falë Jhon Duran, sulmuesit kolumbian që u transferua nga Aston Villa për 77 milionë euro.
Ky gol i dha një avantazh të hershëm skuadrës së tij dhe vendosi tonin e ndeshjes.
Në minutën e 27-të, Cristiano Ronaldo shtoi një gol tjetër në epërsinë e Al Nassr, duke shënuar me penallti . Me këtë gol, Ronaldo arriti në total 927 gola në karrierën e tij, duke u afruar çdo vit më shumë te qëllimi i tij përfundimtar prej 1000 golash.
Jhon Duran i dha fund ndeshjes me një gol tjetër në minutën e 84-të, duke siguruar fitoren 3-0 dhe vendin në çerekfinale.
Me këtë fitore, Al Nassr vazhdon të jetë një nga kandidatët kryesorë për titullin e Ligës së Kampionëve të Azisë.
