Rihanna ka mahnitur sërish me stilin e saj, duke prezantuar koleksionin e ri Fenty x Puma në një set fotografik magjepsës në jaht. Këngëtarja 37-vjeçare ka ndarë imazhe në Instagram, ku shfaqet me një fustan të bardhë me printe tropikale dhe një çarje të guximshme deri në bel.
Ndërkohë, Rihanna duket se është më e fokusuar në modë sesa në muzikë, pasi ka anuluar koncertet e rikthimit të planifikuara për muajin korrik në Londër. Sipas burimeve ajo po punon për një album të ri, që do të jetë i pari pas nëntë vitesh.
Rihanna, e cila është në një lidhje me ASAP Rocky dhe është nënë e dy djemve, vazhdon të jetë një ikonë e modës dhe muzikës, ndërsa fansat presin me padurim rikthimin e saj në skenë.
