Antidroga në Prishtinë ka realizuar mbrëmë një aksion në dy lokacione në kryeqytet, ku ka arritur të arrestojë dy persona të dyshuar për shitblerje dhe shpërndarje të drogës. Gjatë operacionit, u konfiskuar një sasi e marihuanës dhe prova të tjera, raporton Gazeta Sinjali.
Sinjali ka mësuar ekskluzivisht se dy të arrestuarit janë Meriton Tahiri (27) dhe Ardit Gashi (27), të cilët tashmë ndodhen nën masën e ndalimit policor.
Sinjali mëson se fillimisht është kapur Tahiri, i cili u ndal nga Policia në rrugën “Isa Kastrati” dhe pas kontrollit policor, iu gjetën disa qese me marihuanë.
Kontrolloi vazhdoi tutje në banesën e të dyshuarit Gashi, në rrugën Shaip Spahiu”, ku në asistim të Njësisë së Reagimit të Shpejtë, u hap dera me forcë pas shpërfilljes së urdhrave policorë.
Gjatë kontrollit, si prova materiale janë gjetur dhe konfiskuar mbi 400 gr substancë e dyshuar narkotike e llojit marihuanë, telefona dhe një shumë e të hollave.
Ndaj të dyshuarve, Prokurori i Shtetit ka urdhëruar masën e ndalimit policor për 48 orë.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
KLIKO KETU PER VIDEO
