Kryetari i AAK-së, Ramush Haradinaj, është takuar me ambasadorin francez në Kosovës, Olivier Guerot.
Nëpërmjet një postimi në Facebook, Haradinaj bën të ditur se me Guerotin ka diskutuar rreth mbarëvajtjes së zgjedhjeve të 9 shkurtit.
Poashtu, në takim u bisedua edhe për thellimin e marrëdhënieve mes dy vendeve dhe perspektivën euro-atlantike të Kosovës, me theks të veçantë anëtarësimin në NATO, njofton Klankosova.tv.
“Në këtë rrugëtim Franca mbetet një partner i rëndësishëm strategjik. Vlerësova lart angazhimin e Francës për stabilitetin rajonal dhe mbështetjen e vazhdueshme për shtetin tonë. Bashkëpunimi bilateral në shumë fusha ofron mundësi të reja për avancimin e interesave të përbashkëta dhe forcimin e miqësisë së kahershme mes dy popujve”, ka shkruar më tej kreu i AAK-së.
