Maliqi: Veprimet e Gjykatës Speciale hedhin dyshime mbi integritetin e procesit

Politologu Agon Maliqi ka reaguar pas raportimit të djeshëm në Naiconale, ku u bë e ditur se udhëheqësit e Gjykatës Speciale kanë pasur një takim me diplomatë.

Sipas burimeve të gazetës, aty u përmendën edhe deklaratat e Richard Grenell për lirimin e Thaçit.

Për Maliqin, veprimet e Dhomave të Specializuara vitin e fundit, kanë hedhur dyshime mbi integritetin e procesit.

“Normalisht përmbahem nga komentimi i proceseve gjyqësore dhe ‘shtrij qafën’ duke mbështetur Dhomat e Specializuara kur kishte përpjekje për ta zhbërë atë. Megjithatë, më duhet të them se gjatë vitit të fundit ajo krijoi shumë shfaqje të konfliktit të interesit dhe hodhi dyshime mbi integritetin e procesit”, ka shkruar ai.