Policia ka njoftuar se një shtetas ukrainas është arrestuar në pikën kufiare në Vërmicë, pasi në hyrje të Kosovës, në kontroll të dokumenteve u ka ofruar zyrtarëve policorë 50 euro me qëllim që t’i lejohet kalimi.
Në raportin 24-orësh të policisë thuhet se i njëjti nuk posedonte dokumente të nevojshme për të kaluar transit me veturë.
Me vendim të prokurorit i dyshuari është dërguar në mbajtje.
“SPK Vërmicë 06.12.2024 – 11:05. Është arrestuar i dyshuari mashkull shtetas i Ukrainës, pasi që i njëjti në hyrje të Kosovës, në kontroll të dokumenteve u ka ofruar zyrtarëve policorë 50 euro me qëllim që t’i lejohet kalimi, pasi që i njëjti nuk posedonte dokumente të nevojshme për të kaluar transit me veturë. Me vendim të prokurorit i dyshuari është dërguar në mbajtje.”
