Nga Policia e kanë konfirmuar se një person është shpallur në kërkim, teksa rasti po hetohet si “Tentim vrasje”.Sinjali ka mësuar ekskluzivisht se personi që po kërkohet është Endri Berisha.
Personat e përfshirë në rast janë arratisur mbrëmë nga vendi i ngjarjes, ndërsa Policia ka kryer ekzaminimet e nevojshme.Në lokacionin ku ndodhi rasti janë gjetur gjashtë gëzhoja, që dyshohen të jenë të armëve që janë përdorur.“Raportohet se pas një mosmarrëveshje ne mes te dy grupeve të njëjtit janë gjuajtur me armë ndërmjet vete. Në vendin e ngjarjes janë gjetur dhe sekuestruar gjashtë gëzhoja, një fishek dhe një predhë. Përveç dëmeve të shkaktuara nga arma e zjarrit në dy vetura që ishin të parkuara nuk raportohet për të lënduar.
Pas hetimeve të zhvilluara është identifikuar një mashkull kosovar si i përfshirë në incident i cili ndodhet ne kërkim policor. Lidhur me rastin është njoftuar edhe prokurori i cili ka urdhëruar fillimin e hetimeve.”
