Një thirrje telefonike kryeministrit të Izraelit, Benjamin Netanyahu, duke i konfirmuar kryeministrit të Kosovës në atë kohë, Avdullah Hoti, më 5 shtator të vitit 2020 në Shtëpinë e Bardhë, do të ishte njohja e fundit e Kosovës deri në vitin 2025.
Njohje kjo që edhe në faqen e Ministrisë së Punëve të Jashtme qëndron si e fundit.
Por, Kosovën në mars të këtij viti, shteti afrikan Kenia dhe në prill nga po i njëjti kontinent Sudani, e çuan në 119 numrin e shteteve që e njohin Kosovën.
Pesidenti i atëhershëm Hashim Thaçi, e shpalli Kosovën shtet.
E menjëherë pas kësaj fjalie, Kosova njohjen e kishte marrë nga shteti i Kosta Rikës, i vetmi shtet në datën 17 shkurt 2008.
Vetëm një ditë më vonë, Kosova mori njohje nga shtete aleate të saj, siç janë Shtetet e Bashkuara të Amerikës, Franca, Shqipëria, Turqia dhe Britania e Madhe.
Në vitin e parë të shpalljes së pavarësisë, Kosovën e njohën 59 shtete, ndër to shumica e shteteve evropiane.
E në vitin 2009, shteti i Panamasë do të fillonte njohjet për Kosovën, por në total atë vit Kosova mori vetëm 11 njohje.
Kështu, me rreth 10 njohje për vit, që nga viti 2010 e deri në vitin 2016, Kosova do të vazhdonte të ishte nëpër zyrat e shteteve të ndryshme të botës.
Nga viti 2017 e deri në 2025, me dy njohjet e fundit, Kosova do të kishte vetëm 6 njohje.
Mosnjohja nga Spanja, Rumania, Sllovakia, Greqia dhe Qipro që janë pesë shtete anëtare të Bashkimit Evropian është pengesa kryesore edhe për shqyrtimin e aplikimit të Kosovës për anëtarësim në BE, që kur Kosova e ka dërguar atë në dhjetor të vitit 2022.
Shteti më i ri në Europë, në lobimin e saj për njohje të reja, sidomos në vendet e Afrikës, është penguar shumë nga shteti i Serbisë, e cila, përveç pengimit të njohjeve, ka bërë që disa shtete atje të ndërpresin komunikimet diplomatike me Kosovën.
