Los Angeles Lakers kanë marrë një fitore të madhe në udhëtim te Oklahoma City Thunder duke bërë një hap të madh për ta siguruar pozitën e dytë në Konferencën e Perëndimit.
Në fitoren 126:99 të Lakers ndaj Oklahomas, Luka Doncic bëri një lojë fantastike dhe shënoi 30 pikë me shtatë kërcime dhe gjashtë asistime.
Njëri prej tyre ishte vërtet i shkëlqyeshëm dhe ai e regjistroi atë në çerekun e dytë kur gjeti Gabe Vincent me një pasim fenomenal mbi kokë për një trepikësh.
Ai u pasua nga Reaves me 20 pikë, tre asistime dhe dy kërcime dhe LeBron James që shtoi 19 pikë, shtatë asistime dhe tre kërcime, ndërsa dyshifrorë ishin edhe Finney-Smith me 14 pikë, Vincent me 12 dhe Hachimura me 11 pikë.
Në radhët e vendasve, Shai Gilgeous-Alexander ishte më i miri me 26 pikë, nëntë asistime dhe tre kërcime, por që nuk mjaftuan për ta shmangur humbjen.
Rezultatet:
Charlotte – Chicago 117:131
Brooklyn – Toronto 109:120
Oklahoma – LA Lakers 99:126
Atlanta – Utah 147:134
Boston – Washington 124:90
Cleveland – Sacramento 113:120
Portland – San Antonio 120:109
New York – Phoenix 112:98
Denver – Indiana 120:125
Golden State – Houston 96:106
New Orleans – Milwaukee 107:111
