Veterani i UÇK-së, Zylfi Tejeci ende i zhdukur që nga 23 janari

Veterani i UÇK-së, Zylfi Tejeci nga fshati Gorozhup i Hasit i zhdukur që nga 23 janari i këtij viti nuk është gjetur akoma.

Klankosova.tv ka kontaktuar me zëdhënësin e Policisë së Kosovës në Prizren, Shaqir Bytyqi, i cili tha se kërkimet për gjeten e tij po vazhdojnë.

“Qe disa muaj ka është zhdukur dhe ende nuk është gjetur. Kërkimet po vazhdojnë”, u përgjigj Bytyqi për Klankosova.tv

Klankosova.tv ka kontaktuar edhe me djalin e të zhdukurit, Ardian Tejeci, i cili tha se rastin për babanë e tij e kanë raportuar në polici dhe se deri tani ende nuk e kanë gjetur.

“Janë bë gjashtë javë që prej kur nuk dimë asgjë për të, herën e fundit ishte në një tubim politik, dhe para se të zhdukej kishte biseduar me dikë në telefon”, tha Tejeci për Klankosova.tv