Zyra e Rregullatorit të Energjisë tjetër gjë më 2021 e tjetër gjë sot – nga anëtarë të njëjtë të bordit vendimarrës – arsyetonte për qëndrimin në shërbimin universal të energjisë elektrike.
Një kompani me 9.8 milionë euro qarkullim vjetor dhe 120 punënonjës konstatohej se mund të qëndronte në tregun e rregulluar – ndërsa sot jo.
Kështu njoftoi Kushtrm Ajvazi nga Shoqata e Prodhuesve Vendorë.
Postimi i plotë:
Me fakte!
Në vitin 2021, një biznes mbi 120 të punësuar dhe qarkullim 9.8 milion €, i është drejtuar ZRRE-së.
Përgjigja zyrtare e asaj kohe ishte e qartë:
“Sipas ligjit, ju keni të drejtë të furnizoheni si konsumator në shërbim universal.”
Për rastin njëjtë, i njëjti ligj, sot – në 2025 – merr të kundërt:
⚠️ “Duhet të dilni në treg të lirë!”
Po kush e ka kthyer përgjigjen në 2021?
Personi që sot është anëtar i Bordit të ZRRE-së!
A mundet dikush të na shpjegojë si u ndryshua interpretimi i ligjit pa u ndryshuar vetë ligji?
Ne e dimë që betejat në gjykatë do t’i fitojmë. Por çfarë vlere ka kjo pas shkatërrimit të prodhimit dhe falimentimit të bizneseve?
Kjo nuk është vetëm padrejtësi – kjo është papërgjegjësi shtetërore!
